Wasiirka amniga gudaha ee xukuumadda Federaalka ah ee Soomaaliya Cabdirisaaq Cumar Maxamed ayaa bogaadiyay Bandhigga buugaagta Muqdisho oo sanadkii labaad lagu qabanayo magaalada Muqdisho.
Wasiirka oo booqday badhigga maanta (Jimco), ayaa qalinleeyda Soomaaliyeed iyo qabanqaabiyayaasha ku ammaanay dadaalka ay u galeen nooleynta qoraalka iyo aqriska kadib sanada badan oo burbur iyo dagaallo lagu soo jiray.
Related posts
โQalinleeyda Soomaaliyeed waxa ay qaateen masโuuliyaddooda,waxa ayna halkaan ku soo bandhigeen buugaag ay waqti iyo maskaxba geliyeen, waana ku ammaaneynaa sida ay uga qeyb qaadanayaan dhismaha wayiga bulshadeennaโ ayuu yiri wasiir Cabdirisaaq.
โHayโadaha ammaanka ee suurtagaliyay nabadeyna dalka si ay u qabsoomaan munaasabado nuucaan oo kale ah ayaa iyana mudan in aan ku ammaanno sida ay kaalintooda uga soo baxeenโ. Ayuu raaciyay.
Wasiirka amniga ayaa noqonaya masโuulkii dowladeed ee bandhigga ka iibsaday buugaagtii ugu badnaa, iyada oo ay koru dhaaftay buugaagta uu iibsaday soddon buug oo Af-Soomaali ku qoran isa markaana laga qoray dhinacyada kala duwan ee nolosha iyo taariikhda dalka.
Wasiirka oo dhex socday madasha bandhigga ayaa SONNA u sheegay: โWaa fursad aan sanadahaan dambena soo marin in hal goob la isugu keeno tiro intaan la eg oo ah maskaxdii qalinleeyda Soomaaliyeed, sidaa darted qof waliba waa inuu qaataa wuxuu aqrin lahaa illaa sanadka dambeโ.
Bandhigga buugaagta Caalamiga ah ee Muqdisho oo muddoo saddex maalin ah soconayay ayaa lagu soo gabagabeeyay Muqdiho, iyada oo xiritaankiisana uu ka qeyb galay madaxweynaha jamhuuryadda Federaalka ah ee Soomaaliya Xassan Sheekh Maxamuud.
