Wasiirka amniga ee maamil goboleedka Galnudug Cismaan Ciise Nuur “Taardhuleed”, ayaa sheegay inay helayaan macluumaad ku aaddan in meeshiyaadka Shabaab ay isku abaabulayaan deegaanno ka tirsan Galmudug.
Taardhuleed ayaa ku gooddiyay in ciidamada maamulku ay ka hortagi doonaan abaabulka ay maleeshiyaadkaasi ka wadaan deegaanno hoos yimaada Galmudug.
Ciidamada Maamulka Galmudug, ayuu sheegay inay ka hortagayaan weerarada iyo abaabulka ay qorsheynayaan Ururka Al Shabaab inay ku qaadaan deeganada Maamulkaasi.
“Nimankani dhaq-dhaqaaqyada ay wadaan waan la soconnaa, waxaana keenaya awoodda iyo culeyska la saaray, waana la soconnaa meel walbo oo ay is uruursi ka wadaan oo deegaannadeenna ah.” Ayuu yiri wasiir Taardhuleed.
Wasiirka Amniga Galmudug oo hadalkiisa sii wata ayaa xusay in howlgallada ayey sii kordhin doonaan howlgallada ay ciidamadoodu ka wadaan deegaannada ay weli uga suganyihiin degmmooyinka Hobyo ilaa Ceeldheer.
Ma;eeshiyaadka Shabaab ayaa horay ugu fashilmay duullaan qorsheysan oo ay ku qaadeen deeganada Puntland, gaar ahaan kuwa dhaca Xeebta, iyadoo ciidankii Shabaab ee halkaasi weeraray ay noqdeen kuwa la qabtay iyo kuwa la laayay.
