Wasiirka Wasaaradda Amniga Gudaha ee Jamhuuriyadda Federaalka Soomaaliya, General Cabdullaahi Sheekh Ismaaciil (Fartaag), ayaa hambalyo iyo bogaadin u diray Ciidanka Badda iyo Difaaca Xeebaha ee Xoogga Dalka Soomaaliyeed (XDS), kuwaas oo maanta u dabbaaldegaya sannad-guuradii 61-aad ee ka soo wareegtay aasaaskooda.
Wasiirka ayaa ku ammaanay Ciidanka Badda iyo Difaaca Xeebaha doorka muhiimka ah ee ay ka qaataan sugidda amniga badda, ilaalinta xeebaha dalka, iyo difaaca madax-bannaanida Jamhuuriyadda Federaalka Soomaaliya.
โWaxaan hambalyo u dirayaa Admiraallada, Saraakiisha, Saraakiil-xigeennada, Alifleyda, Dableyda, iyo dhammaan xubnaha Ciidanka Badda iyo Difaaca Xeebaha XDS, sidoo kale xaasaskooda iyo carruurtooda, munaasabadda sannad-guurada 61-aad ee aasaaska Ciidankan sharafta leh.โ
Wasiirka Amniga Gudaha ayaa xusay in dowladda ay ka goโan tahay xoojinta, tayeynta, iyo taageeridda Ciidamada Qalabka Sida, gaar ahaan Ciidanka Badda, si ay u gutaan waajibaadkooda qaran ee ku aaddan ilaalinta badaha iyo kheyraadka dabiiciga ah ee dalka.
Ugu dambayn, Wasiirka ayaa u rajeeyey Ciidanka Badda iyo Difaaca Xeebaha horumar, guul, iyo adkeynta wadajirka ay ku difaacayaan dalka iyo dadka Soomaaliyeed.
