Abu dhabi- UAE, March 25, 2015 Dr. Abdisalan Hadilye Omar Wasiirka Arrimaha Dibadda iyo Dhiiragelinta maalgashigashiga ee Soomaaliya oo maalmahan booqasho rasmi ah ku joogey Wadanka Isutaga Imaaraadka Carabta ayaa booqasho ku tagey Ibitaalka weyn ee Askarta ee loo yaqaano (Zayid Military Hospital) ee ku yaal Caasimadda Wadanka Imaaraadka ee Abu Dhabi.
Booqashada Wasiir Hadliye ayaa waxaa ku weheliya Danjiraha Soomaaliya ee u fadhiya Wadanka Imaaraadka Carabta Ambassador Cabdulqaadir Sheikhey Mohamed Al-Xaatimi iyo Agaasimaha waaxda Iskaashiga Amniga Caalamiga ah ee Wasaaradda Arrimaha Dibadda ee Dawladda Imaaraadka Carabta Ambassador Mahash Saiid Salim AL Hamily, iyadoo ay si wacan ugu soo dhaweeyay Maamulka isbitaalka islamarkaasina ay siiyeen warbixin ku saabsan dhaawacayadda jiifa isbitaalka oo bilowgii bishani la geeyay islamarkaana u sheegey in ay xaaladooda ay soo hagaageyso.
Dhinaca kale Wasiirka Arrimaha Dibadda Mudane Abadisalaan Hadliye ayaa uga mahadceliyay guud ahaan Dowlada Imaaraadka iyo Shacabkeeda gaar ahaan Maamulka Isbitaalka tan iyo intii uu ku guda jirey booqashadiisa isbitaalka sida walaalahooda Soomaaliyeed ay ugu fidiyeen gar Gaarka bani’aadanimo iyo Taageerida dhinac walabo leh oo ay marwalaba la garabtaaganyihiin.
