Wasiirka Arrimaha Dibadda Soomaaliya Axmed Ciise Cawad ayaa magaalada New York ee dalka Mareykanka kula kulamay u qaabilsanayaasha Qaramada Midoobay wadamada Chine, Russia & Kuwait oo ay ka wada hadleen sidii loo xoojin lahaa xiriirada iskaashi ee ka dhexeeya Soomaaliyada iyo wadamadooda.
Kulamadan oo si gaar-gaar ah ula qaatay Wasiirka arrimaha dibadda Soomaaliya Mudane Axmed Ciise Cawad wakiilada Qaramada Midoobay u joogo New York sida Chine H.E. Amb. MA Zhaoxu, Rusia H.E. Amb. Vasily Nebenzya iyo safiirka dowladda Kuweit H.E. Mansour Al-Otaibi ayaa waxa uu kala hadlay sidii loo xoojin lahaa xiriirka kala dhexeeyo Soomaaliya, kulamada wasiirka waxaa sidoo kale ku wehliya u qaabilsanah QM ee Soomaaliya Amb, Abukar Osman (Baale).
Soomaaliya ayaa dadaal xoogan ugu jirto sidii loo soo celin lahaa xiriirkii kala dhexeeyay ka hor but-burkii dowladnimada, waxaana Madaxweyne Farmaajo wax-yaabaha uu ballan qaaday kamid ahaa in uu dhisi doono xiriir ku dhisan ixtiraam & iskaashi.
Xukuumadda Ra’isul wasaare Kheyre oo fulineysa ballan-qaadyadii Madaxweyne Farmaajo ayaa waddo dadaal xoogan oo ku aadan xiriirka eey Soomaaliya la yeelaneyso wadamada kale.
