Wasiirka Arrimaha Dibadda mudane Axmed Maxamed Fiqi, ayaa kulan la yeeshay saraakiisha Waaxda Asia iyo Australia, oo uu hoggaaminayay Agaasimaha waaxda, Mudane Saciid Jaamac Mire.
Kulanka ayaa diiradda lagu saaray qiimeynta horumarka waaxda, sidii kale waxaa laga hadlay qorshayaasha lagu horumarinayo wax qabadkeeda, iyo sidii loo heli lahaa istaraatijiyado lagu gaari lahaa himilooyinka Wasaaradda. Wasiir Fiqi ayaa ku dhiirrigeliyay kooxda inay sii wadaan dadaalkooda heer sare ah ee horumarinta xiriirka diblomaasiyadeed ee Soomaaliya iyo adeegga bulshada Soomaaliyeed.
Wasiirka ayaa sidoo kale ammaanay saraakiisha waaxda, isagoo tilmaamay doorkooda muhiimka ah ee ku aaddan guulaha Wasaaradda iyo dadaalkooda joogtada ah.
