Xubinnimadda Soomaaliya ee Golaha Amaanka ee Qaramada Midoobay (QM) ayaa si rasmi ah u bilaabatay maanta, kadib markii Soomaaliya ay si rasmi ah u noqotay xubinta Golaha Amaanka ee Qaramada Midoobay muddo 54 sano ah ka dib.
Soomaaliya ayaa noqotay xubin buuxda oo ka mid ah Golaha Amaanka ee Qaramada Midoobay, taas oo ah tallaabo muhiim ah oo muujinaysa horumarka ay Soomaaliya ka gaartay arrimaha dibadda iyo xiriirka caalamiga ah. Xubinnimadan ayaa ah mid muhiim ah oo ka tarjumaysa kalsoonida ay beesha caalamku ku qabto Soomaaliya iyo doorka muhiimka ah ee ay ku leedahay nabadda iyo ammaanka adduunka.
Related posts
Golaha Amaanka ee Qaramada Midoobay ayaa mas’uul ka ah ilaalinta nabadda iyo ammaanka caalamka, waxaana xubinnadiisa ka mid ah waddamo awood leh iyo kuwa kale oo muhiim u ah go’aan qaadashada arrimaha ammaanka iyo xasiloonida caalamka. Soomaaliya waxay ku biiraysaa Golaha Amaanka iyadoo wajahaysa caqabado iyo fursado cusub oo la xiriira arrimaha amniga gudaha iyo siyaasadda caalamiga ah.
Danjiraha Soomaaliya ee Qaramada Midoobay Mudane Abuukar Daahir Cismaan (Abuukar Baalle) ayaa qoraal kooban oo uu soo saaray ku sheegay, βWaxaa naga goβan inaan ilaalino Axdiga Qaramada Midoobay, waxaana u heellannahay ilaalinta nabadda iyo amniga caalamiga ah.β
Soomaaliya ayaa xubin ka noqotay Golaha Amaanka ee Qaramada Midoobay,iyadoo ka faa’iidaysanaysa xiriirka dhow ee ay la leedahay dalalka xubnaha ka ah Golaha iyo taageerada ay ka heshay beesha caalamka. Xubinnimadda Soomaaliya ee Golaha Amaanka ayaa sidoo kale muhiim u ah dadaallada Soomaaliya ee ku aaddan sidii loo xoojin lahaa amniga iyo xasilloonida gobolka Geeska Afrika.
Dawlada Soomaaliya ayaa ku faraxsan in ay gaadhay guulahan, waxayna ka go’an tahay in ay ka qeybqaadato go’aan qaadashada iyo dadaallada lagu horumarinayo nabadda iyo xasilloonida caalamiga ah.
