Jeddah, January 24, 2018 – Wasiirka Arrimaha Dibadda iyo Iskaashiga Caalamiga ee Jamhuuriyadda Federaalka Soomaaliya Mudane Axmed Ciise Cawad ayaa xariga ka jaray xarunta cusub ee Ergada Soomaaliya u qaabilsan Ururka Iskaashiga Islaamiga.
Furitaanka Xafiiska Ergeda oo si habsami leh ku dhacday, ayaa Wasiirku ku booriyay diblomaasiyiinta ka shaqeeya inay dardargeliyaan howlaha loo igmaday.
Related posts
Wasiir Axmed Cawad ayaa sidoo kale booqasho ku tagay Xarunta Qunsuliyadda Guud ee Jamhuuriyadda Federaalka Soomaaliya ee Magaalada Jeddah, isaga oo kormeeray qeybaha ay ka kooban tahay iyo adeegyada ay u fidiso Soomaalida ku nool dalka Sucuudiga.
Wasiirku waxa uu dhiirigeliyay howlaha Qunsuliyadda Guud ee Jeddah ay qabato oo ka mid ah seddexda qunsuliyadood ee Jamhuuriyadda Federaalka Soomaaliya ay ku leedahay Dibadda, isagoo xusay in laga maarmaan ay tahay in shakhsi kasta lagula xisaabtamo waajibka ka saaran shaqada uu u xilsaaran yahay, si danaha qaranka loo fuliyo, si aanay ku jirin habsaamid iyo dib u dhac, dadka iyo dalkana loogu adeego daacadnimo iyo nafhurid.
