Dowladda Federaalka Soomaaliya ayaa sheegtay iney billowday wadahadallo ay la yeelaneyso maamulka Ahlusunna waljamaaca.
Wasiirka wasaaradda arrimaha gudaha mudane C/raxmaan Odawaa ayaa magaalada Cadaado ka sheegay in dowladdu ay wadahadallo la bilowday maamulka Ahlusunna si loo dardar geliyo hannaanka dib u heshiisiinta iyo dhismaha maamulka gobollada dhexe.
Mudane Odawaa wasiirka wasaaradda amniga ayaa xusay in 15-kii bishan uu tegay magaalada Dhuusamareeb islamarkaana uu halkaasi wadahadallo kula soo yeeshay maamulka Ahlusuna, kuwaasoo socday ilaa 18-ki bishan.
Wuxuu rajo wanaagsan ka muujiyay in wadahadalladaasi ay taabbo gal noqdaan ayna ka soo baxaan natiijooyin wanaagsan oo soo afjari kara dhibaatooyinkii ka dhacay gobolladaasi.
Wasiirka ayaa ugu baaqay qeybaha bulshada ee gobollada dhexe ineey gacan buuxda ka geystaan hirgelinta maamulka loo dhisayo gobollada Mudug iyo Galgaduud, wuxuuna ku boorriyay iney taageeraan nabadda iyo horumarka goolka.
