Wasiirka Arrimaha Gudaha iyo Federaalka Soomaaliya C/raxmaan Maxamed Xuseen Odawaa oo khudbad ka jeediyay xafladda Caleema saarka madaxweynaha maamulka Galmudug C/kariin Xuseen Guuleed ayaa ku dheeraaday ka sheekeynta dadaalka loo soo maray dhisida maamulka Galmudug oo uu sheegay in dadaal badan loo soo maray wuxuuna ugu baaqay dadka Soomaaliyeed gaar ahaan dadka reer galmudug in ay la shaqeeyaan madaxda maamulka Galmudug.
Wasiirka arrimaha gudaha iyo federaalka Soomaaliya C/raxmaan Maxamed Xuseen Odawaa oo sii hadlay ayaa sheegay in dalka Belgium-ka uu mudo ku xiranyahay madaxweynihii hore ee maamulka Ximan iyo Xeeb Maxamed Cabdullaahi Aadan {Tiiceey} oo dadaal badan u soo galay horumarinta deegaanada Ximan Iyo Xeeb, waxaana uu ka codsaday Madaxweynaha Dalka oo halkaasi goob joog ka ahaa in Dowladda ay gacan ka geysato sii deynta Mr Tiicey.
