Wasiirka arimaha gudaha iyo Federaalka Xukuumadda Soomaaliya Mudane Cabdiraxmaan Maxamed Xuseen “Odowaa” oo howlo shaqo u jooga gobolka Galgaduud ayaa sheegay in dowladdu ay la shaqeyn doonto madaxda ay doortaaan dadka dega Mudug iyo Galgaduud, isagoo dhanka kale ka codsaday ergooyinka in ay fududeeyaan inta ka dhiman howsha maamul u sameynta gobolladaasi.
Mudane Cabdiraxmaan Maxamed Xuseen “Odowaa” ayaa xusay in dowladdu aysan jirin cid ay si gaar ah u taageersantahay, isla markaana ay soo dhaweyneynayaan musharaxii ku guuleysta xilka Madaxtinimada ee gobollada Mudug iyo Galgaduud.
“Anagu waxaan aaminsanahay in cid Allaale iyo ciddi danta dadka u ah ee aad doorataan in ay tahay midda ay dowladdu taageereyso, laakiin qof aan jeebka ku wadano ma jirto, dowladdu waxa ay ku qasbantahay inay taageeto, waxaan rabaa in aan idin sheego muhiimadda uu maamulkan leeyahay, waxa ay tahay wixii aad gooni u keeni weysaan ay jamac idinkugu keento, waxaa la idinka rabaa in aad ogaataan maamulka aad dhisaneysaa muhiimadda uu idin leeyahay” ayuu yiri Wasiir Odowaa.
Wasiirka arimaha gudaha iyo Federaalka Xukuumadda Soomaaliya ayaa ka dalbaday ergooyinka mamul u samaynta gobollada Galgaduud iyo Mudug in ay dadajiyaan samanta mamulkaaasi, maadama Wasaradda arrimaha gudaha laga sugayo dhismaha maamullada kale ee la doonayo in dalka laga hirgeliyo.
