Shirkan oo soconaya laba-maalmood waxa Wasaaradda Arrimaha Gudaha Federaalka iyo dib u heshiisiinta Soomaaliya ay la tashi kala sameynaysa Maamulka iyo qeybaha bulshada gobolka Banaadir diyaarinta hannaanka dib u heshiisiinta Qaranka.
Shirka qeybtiisa koowaad ee maanta furmay waxa Wasaaradda la-tashi la sameynaysa madaxda iyo dadka ka shaqeeya hey’adahaΒ dowliga ah ee gobolka Banaadir, halka maalinka berri ah wadatashiga ay la yeelan doontoΒ qeybaha bulshada ee gobolka sida uu sheegay agaasimaha guud Wasaaradda arrimaha gudaha Soomaaliya Cali Maxamed Maxamuud.
Related posts
La taliyaha Ra’iasalwasaaraha ee arrimaha dib u heshiisiinta Dr Cabdiraxmaan Macalin Cabdullaahi Baadiyoow oo ka hadlay shirka waxa uu sheegay inΒ muhiim tahay in la daadajiyo wadatashiyada diyaarinta hannaanka Qaran ee dib u heshiisiinta dalka.
Guddoomiye ku xigeenka Amniga iyo Siyaasadda gobolka BanaadirΒ Maxamed Cabdulaahi TuulaxΒ waxaΒ uu tilmaamay in gobolka uu soo dhaweynayo in wadatashiyo lala sameeyo dadka caasimadda.
“Waan soo dhaweynaya wadatashigaan diyaarinta hannaanka Qaran ee dib u heshiisinta, anaga gobolka Banaadir ahaan Ahmiyad weyn ayay noo leedahay dib u heshiisiinta waayo hadii ay caasimadu hagaagto dalkoo dhami waa hagaagayaa maadaama ay tahay muraayada dalka” ayuu yiri guddoomiye Tuulax
Wasiirka Arrimaha Gudaha, Federaalka iyo dib u heshiisinta xukuumada Federaalka Soomaaliya Mudane Cabdi Maxamed Sabriye oo furay shirkaΒ waxa uu sheegay hannaanka dib u heshiisiinta Qaranka sanadkii tagay uu soo biloowday haatana uu marayo waqtigii la tashiga bulshada lagana bilaabay bulshadda gobolka Banaadir.
“Sanadkii tagay 2017 bishii June ayuu soo biloowday wadatashiga hanaanka dib u heshiisiinta dalka wax badan ayaa nooga qabsoomay hada waxaan galnay la tashiga bulshada oo aan ka biloownay dadka gobolka Banaadir si aragtidooda loogu daroΒ hannaankani” ayuu yirri Wasiir Sabriye
Wasiirka Arrimaha Gudaha Soomaaliya ayaa intaa ku daray in wasaaradiisa ay ku dadaalayso sidii loo heli lahaa hannaan dib u heshiisiin Qaran oo leh sal adag kuna dhisan talada bulshada Soomaaliyeed si xal waaro looga gaaro khilaafyada nuucyadooda kala duwan ee dalka ka jira.
