Shirkan oo ah mid bishii mar la qabto waxaa diirada lagu saaray wixii ka qabsoomay Barnaamijka Xasilinta dalka iyo qorshaha sanadkaan 2018.
Waxa shir Guddoomiyay markii ugu horeysay wasiirka cuusb ee arimaha gudaha federaalka iyo dib u heshiisiinta Soomaaliya Cabdi Maxamed Sabriye waxaana goob joog ahaa wasiiro dowlaha xafiiska ra’isalwasaaraha Cabdulaahi Xaamud, madax ka soctay wasaaradaha arimaha gudaha ee dowlad goboleedyada iyo beesha caalamka.
Shirka intii u socday waxa la isku waydaarsaday sida ugu wanaagsan ee loo xoojin karo mashaariicda xasilinta goobaha laga xureeyo nabad diidka
Masuuliyiinta dowlad goboleedyada ee ka hadlay shirka waxa ka mid ah wasiirka arrimaha gudaha ee Hirshabeele Maxamed Cali Caadle oo sheegay inay wadaan dib u heshiisiinta beelaha khilaafaadka uu ka dhaxeeyo ee deegaanada dowlad goboleedkaasi
‘’ waxaa inoo suuragalay inaan u qabano dib u heshiisiin beela ku dagalamy tuulooyin ka kala tirsan degmooyinka balcad iyo jowhar horaantii bishaan Janaayo waxaana ugu qabanay magaalada Jowhar waxaana dagaaladaasi laga gaaray heshiisyo’’ waxaa sidaas Yiri Wasiir Caadle
ku xigeenka ergayga gaarka ah ee Qaramada Midoobay ee Soomaaliya Petter Dikalaa ayaa tilmaamy inay muhiim tahay taageeerada caalamka ee lagu xoojinyo mashaariicda xasilinta.
Wasiirka Arimaha Gudaha, Federaalka iyo Dib u heshiisinta Mudane Cabdi Maxamed Sabriye ayaa shirka markii uu soo idlaaday waxa uu la hadlay warbaahinta Qaranka waxa uu sheegay in dowladda federaalka Soomaaliya ay ka go’an tahay xoojinta mashaariicda xasilinta iyo sooc elinta adeegyada uhiimka u ah bulshada.
‘’ waxaan ku faraxsanahay inaan maanta gudoomiyay shirkii xasilinta oo lagu qabtay xalane oo ay ka soo qeyb galeen dhamaan wasaaradaha arrimaha gudaha ee Dowlad gobeedlyada iyo hey’adaha wasaaradda kala shaqeeya nabadda iyo xasilinta degmooyinka, waxaa dhiira galin laheed sidii ay ugu hadleen madaxdii dowladda federaalka iyo kuwii dowlad goboleedyada Arimaha xasilinta halka ay marayaan iyo mustaqbalka meesha ay u socdaan’’ sidaasi waxaa yiri wasiirka arrimaha gudaha Soomaaliya
Dhinaca kale wasiirka arimaha gudaha waxa uu la kulmay madax ka socotay Barnaamijka xasilinta hey’adda hormarinta caalamiga ah ee Mareekanka ee loo soo gaabiyo USAID iyaga oo kala hadlay teegarada ay ku bixiyeen mashaariicda xasilinta iyo daadajinta awooda dowladda
