Shirkan oo socday sadaxdii maalin ee la soo dhaafay waxa uu ahaaa kii laba iyo tobnaad ee madasha Wadajir oo ay ku kulmaan wasaaradaha arrimaha Gudaha, Dib u heshisiinta dowlad goboleedyada, gobolk Banaadir iyo daneeyayaasha dhismaha golayaasha deegaannka.
Madasha shirkani waxaa ku soo biiray hey’adda Qaxootiga iyo barakacayaasha heer qaran iyo heer dowlad goboleed iyo sidoo kale hey’addaha Socdaalka iyo Jinsiyadda.
Wasiirka Arrimaha Gudaha, federaalka iyo dib u heshiisiinta Soomaaliya Mudane Cabdi Maxamed Sabriye oo shirka soo xeray waxa uu sheegay in dhismaha golayaasha deegaanka degmooyinka dalka ay muhiim u yihiin dowladnimada ayna ka wada shaqeynayaan hey’adda ka shaqeeya heerarkooda kala duwan.
Wasiirka Arrimaha Gudaha Galmudug Maxamuud Maxamed Samatar (Duraan), Wasiirka dib u heshiisiinta Hirshabeele Cabdikariim Cali Nuur iyo agaasimaha guud ee amniga iyo siyaasadda gobolka Banaadir oo ku hadlay afka ka qeyb galayaasha shirka ayaa tilmaamay inay dhaqan galinayaan qorshaha lagu dajiyay iyo qodobada la isku raacay ee war murtiyeedka shirka.
Ugu dambeyn shirka waxaa laga soo saaray toban qodob oo ay isku raaceen ka qeyb galayaasha kuwaas oo nuxurkoodu ahaa dardar galinta dhismaha golayaasha deegaanka, dhaqan galinta hannaanka dhab u heshiisiinta qaranka, xal waara sidii loogu heli lahaa dhibaatooyinka barakacayaasha iyo xasilinta.
