Wareysi gaar ah oo Warbaahinta Qaranka uu siiyay Wasiirka Arrimaha Gudaha Soomaaliya mudane Cabdi Maxamed Sabriye ayuu intiisa badan kaga hadlay arrimaha dib u heshiisnta waxaana uu wasiirku si gaar ah u xuusay in Wasaarddu heer gabao gabo ah ay marsiineyso diyaarinta hananaka dib u heshiisiinta Qaranka oo qeexaya habraaca loo marayo dib u heshiinta bulshada oo kamid ah waxyaabaha ay hiigsaneyso dowladda hada jirta ee uu hogaamiyo M/weyanaha Jamhuuriyadda mudane Maxamed C/llaahi Farmaajo.
Sidookale Wasiirka Arrimaha Gudaha ayaa sheegay in Wasaaradda iyo guud ahaan dowladaba ay ka go’an tahay hirgalinta dib u heshiisiinta ay u baahan tahay bulshada Soomaaliyeed iyadoo loo marayo wadadi saxda aheyd.
“hadaan jidkii saxda ahaa loo marin dib u heshiinta waxaa dheceysa in natiijadii laga rabay aysan soo bixin taasna waa caqabad weyn anaga waxaan rabnaa in la badalo hananakii loo mari jiray dib u heshiisiinta ,marwalbana dib u ehhsiinta ay sal u noqdaan dhinacyada ay wax ka dhexeeyaan si loo gaaro dib u heshiisiin waarto” sidaa ayuu hadalkiisa sii raaciyay Wasiirka.
Wasiir Sabriye waxaa kaloo uu tilmaamay in sameynta dib u ehshiisin rasmi ah ay saameyn ku leedahay xasiloonida dalka iyo in la gaaro doorasho qof iyo cod ah oo la hiigsanayo inay dalka ka qabsoonto sabnadka 2020 ,ayna muhiim tahay helista dib u heshiisiin ku dhisan rabitaanka bulshada taasoo looga gudbi karo colaadaha iyo dhibaatooyinka ragaadiyay dalka.
Dowladda Somaaliya ee uu hogaamiyo M/weyne Farmaajo mudddo sanad ah oo ay jirtay waxyaabaha tiirarka u ahaa waxaa kamid ah hirgalinta dib u ehshiinta bulshada iyadoo ujeedooyinka safarkii M/weynaha Jamhuuriyadda uu dhawaan kusoo maaray Gobolada Puntiland iyo Galmudug ay qeyb weyn ka aheyd arrimaha dib u heshiisiinta.
W/Q Cumar Xasan Cali
