Wasiirka Arrimaha Gudaha, Federaalka iyo Dib u heshiisiinta Xukuumadda Federaalka Soomaaliya mudane Axmed Macalin Fiqi oo maalmahan socdaal shaqo ku jooga caasimadda Mudug ee Gaalkacyo ayaa maanta xarig jaray ceel uu ka hirgeliyay deegaanka Daaru Nimca (Qansaxdheere).
Deegaankan oo horay dad badan u geeriyoodeen harraad ayaa mudane Axmed Macallim Fiqi, Wasiirka Arrimaha Gudaha waxaa uu ka hirgeliyey ceel ku shaqeeya Matoor iyo Solarba kadib baaqyo uga yimid dadka deegaanka iyo maamulka gobolka, waxaana fulisay hey’adda Zamzam.
Wasiirka Arrimaha Gudaha, Federaalka iyo Dib u heshiisiinta Soomaaliya oo hadal kooban kajeediyay munaasabadda xarig jarka ayaa faray maamulka in aan wax khidmo ah laga qaadin dadka iyo xoolaha ceelka cabaya, isaga oo kula dardaarmay dadka deegaanka in ay ilaashadaan.
