Wasiirka Arrimaha Gudaha, Federalka iyo Dib-U-Heshiisiinta Galmudug Mudane Cabdi Maxamed Jaamac (Cabdi waayeel) ayaa maanta magaalada Dhuusamareeb Tababar uga furay Ergada Dooran-doonta Golaha deegaanka Degmada Dhuusomareeb ee Caasimada Galmudug.
Wasiirka ayaa ergada kula dardaarmay inay gutaan Waajibkooda, ayna Xubno bulshada deegaanka matalikara ay soo doortaan si ay usii ambaqaadaan Howlaha Hormarineed ee Kasocda Caasimada.
Howlaha dhismaha Golaha Deegaanka Degmada Dhuusomareeb ayaa Maraya heer geban-gabo ah, iyadoo Caasimadu ay Noqondoonto Degmadii Afaraad ee Galmudug ah oo yeelata Gole Deegaan, sida uu furitaanka tababarka ka sheegey Cumar guure Agaasimaha guud ee wasaaradda arrimaha gudaha Galmudug.
Wasiirka Arrimaha Gudaha, Federalka iyo Dib-U-Heshiisiinta Galmudug Mudane Cabdi Maxamed Jaamac (Cabdi waayeel) ayaa sheegey in todobaadyo gudohood lagu dhisayo goleyaasha deegaan ee Dhuusamareeb, Guriceel iyo Caabudwaaq oo ay howsha kawada bilaabaan gudiyadii shaqadaasi qaban lahaa.
