Wafdi uu hogaaminayo Wasiirka Awqaafta iyo Diinta ee Xukuumadda Federaalka Soomaaliya oo jooga Dalka Boqortooyada Sucuudiga ayaa kulamo la yeeshey madaxda dalkaasi oo ay ka wada hadleen sidii looga wada shaqeyn lahaa arrimaha Xajka iyo Xujeyda.
Mudane Sheekh Nuur Maxamed Xasan Wasiirka Owqaafta iyo Diinta Xukuumadda Federaalka Soomaaliya ayaa Warbaahinta Qaranka u sheegay isagoo jooga magaalada Barakaysan ee Makka Al-mukarama in maanta uu la kulmay Madaxda Wasaaradda Xajka & Cumrada Sucuudiga, wuxuuna xusay in ay kala saxiixdeen heshiis la xiriira wadashaqaynta Arrimaha Xajka 1441/2020.
“Waxaan ku heshiinay wasaaradda xajka iyo Cumarada Sucuudiga in la xaliyo dhammaan caqabadihii xajkii sanadkii 1440/2019” ayuu yiri Wasiirka Sheekh Nuur Maxamed Xasan.
Wasaaradda Awqaafta iyo arrimaha Diinta Dowladda Soomaaliya ayaa ku guuleysatay in waxbadan laga bedelo adeegyadii loo qaban jiray xujeyda Soomaaliyeed.
