Si loo dardargeliyo howlaha shaqo ee wasaaradda Beeraha iyo Waraabka Soomaaliya ayeey maanta mas’uuliyiinta wasaaradda waxaa ay maanta kulan la yeesheen jaamacadda Carabta u fadhiya Soomaaliya mudane Xamuud Al- Xuwayti.
Kulanka ayaa looga hadlay arrimo badan oo ay ugu muhiim sanaayeen xoojinta wada shaqeynta labada dhinac , qaabeynta ajendaha shir lagu qaban doona dalka Masar kaas oo looga hadli doono wax soo saarka beeraha, deyn cafinta Soomaliya ee jaamacadda Carabta, tababarsiinta beeraleyda Soomaaliyeedย iyo sidii jaamacadda Carabta ay uga qeyb qaadan la heyd mashaariicda wax soo saar ee dalka Soomaaliya.
Related posts
Danjiraha jaamacadda Carabta u fadhiya Soomaaliya mudane Xamuud Samraan Al- Xuwayti oo kulanka ka dib warbaahinta qaranka la hadlay ayaa mas’uuliyiinta wasaaradda Beeraha ugu mahadnaqay sida sharafta leh oo ay u soo dhoweeyeen, wuxuuna ballan qaadayย in Jaamacadda Carabta ay gacan ka gaysan doonto sidii loo kobcin lahaa wax soo saarka dalka Soomaaliya .
Wasiirka beeraha iyo waraabka Soomaaliya mudane Saciid Xuseen Ciid ayaa warbaahinta u sheegay in ay danjiraha isku fahmeen in labada dhinac wada shaqeyn dhow wada yeesheen isla markaana wasaaraddu ka qeybgashay shirka bisha Decembar lagu wado in uu ka dhaco magaalada Qaahira ee dalka Masar.
Kulanka labada dhinac ayaa ku soo idlaaday is afgarad waxaana la isla gartay in la dhaqan geliyo dhammaan qodobadii laga hadlay , wasiirka Beeraha ย Soomaaliya mudane Saciid Xuseen Ciid ayaana ugu dambeynย Safiirka u hadiyadeeyay qaar kamida dalagyada wax soo saar ee dalka.
