Wasiirka Beeraha iyo Waraabka Dowladda Soomaaliya Mudane. Axmed Madoobe Nuunow, ayaa maanta daah-furey Tababar ku saabsanaa sunta beeraha ee laga isticmaalo dalka Soomaaliya.
Sahankan oo lagu sameeyey dhammaan gobolada dalka Soomaaliya, ayaa waxaa soo bandhigay khuburo ka socda Wasaaradda Beeraha iyo Waraabka gaar ahaan waaxda badbaadada dhirta.
Wasiir Axmed Baashi,ayaa ka hadlay muhiimiyada ay warbixintaan u leedahay Wasaaradda Beeraha iyo Waraabka, isaga oo ballanqaaday in ay ka shaqayn doonaan sidii looga hortegi lahaa si-xun u isticmaalka dullin-dilayaasha (sumaha) iyo in la xakameeyo sumaha dalka lasoo gelinayo oo mararka qaarkood dhaca ka hor inta aysan gaarin Beeralayda.
Wasiirku wuxuu kaloo sheegay in ay jirto sharciga xakamaynta kiimikooyinka Beeraha oo iminka hor yaala Aqalka sare oo la rajaynayo in dhowaan la ansixiyo taas oo ka qeyb qaadan doonta xakamaynta iyo ka hortagga sumaha Beeraha ee qatarta ku ah dadka iyo deegankaba.
Ugu dambayntii, waxaa shirka kasoo baxay talooyinka wax ku ool ah oo loogu tala galay dawladda, Beeralayda iyo ganacsatada ka shaqeeya iibka sunta Beeraha.
