Wefdi ka socda labada Aqal ee Baarlamaanka Soomaaliya, oo uu hoggaaminaayo guddoomiye ku-xigeenka 2-aad ee Golaha Shacabka, ayaa gaaray magaalada Manama ee Caasimadda Dalka Bahrain oo ay uga qeyb-gelayaan shirka guud ee Baarlamaanka Adduunka.
Sanatarrada iyo Xildhibanaannada oo uu wehliyo Xoghaya guud ee Aqalka Sare ee Baarlamaanka Jamhuuriyadda Federaalka Soomaaliya, Mudane Cabdinaasir Ibraahim Guuleed, ayaa maanta ka qayb galay shirar horudhac ah oo ka dhacay xarunta uu ka furmi doonno shirka guud ee Baarlamaanka Adduunka oo sanad kaan lagu qabanayo Caasimadda Bahrain ee Manama.
Shirkaan oo ah mid sanadla ah ayaa waxaa isku arkaan Baarlamaanka Adduunka,waxayna ugu hadlaan horumarinta Baarlamaanka iyo guud ahaan dalalka.
