Wasiirka Wasaaradda Boostadda, Isgaarsiinta iyo Teknoolijiyadda oo ka qeyb galay Munaasabadda qalin jabinta arday dhameystay Cilmigga Teknoolijiyadda kuwaas oo kabaxay Jaamacadda UCT ee Magaaladda Muqdisho
Tiradda waa 22 Arday kuwaas oo Bartay Cilmiga Tiknoolijiyadda waana Dufcaddii ugu horeysay oo kabaxa Jaamacadda University College Technology UCT taas oo u gaar ah Cilmiga Teknoolijiyadda.
Munaasabadda waxaa kala qeyb galay Wasiirka Wasaaradda Boostadda, Isgaarsiinta iyo Teknoolijiyadda, Wasiir ku xigeenka Wasaaradda Waxbarashadda Hidaha iyo Tacliinta Sare iyo Marti Sharaf kale.
Guddoomiyaha Jaamacadda UCT Cabdullahi Sheekh Ciise ayaa sheegay in dalku u baahan yahay arday Waxbaratay kuwaas oo dadka iyo dalka u faa’iideynkara.
“Dalkan waxaa uu baahan yahay dad adinka camal ah kuwaas oo waxbartay kuwaas oo dalka wax ku soo kordhin kara waxaan idinkula dardaarmaa in aad dalkiina uga faa’iideysaan cilmiga aad barateen waxaana loo baahan yahay in aad ka faa’iideysataan waqtigiina”
Wasiirka Wasaaradda Boostadda, Isgaarsiinta iyo Teknoolijiyadda Ing Cabdi Xasan Canshuur ayaa tilmaamay in Dowladda Soomaaliya ka shaqeynso sidii ardayda Jaamacadaha kasoo baxay Fursado ay ku shaqeystaan loogu abuuri lahaa iyadda oo laga kaashanayo Ganacsatadda.
“Dowladd Soomaaliya waxaa ay ka shaqeyneysaa sidii aad u heli laheydeyn fursado aad ku shaqeysataan maadaama aad Cilmi aad muhiim ah soo barateen, Cilmiga Teknoolijiyadda oo aad Barateen hadda waxaa u baahan qofkasta hayaraado ama haweynado”.
Qaar kamid ah Ardayda qalin jabisay ayaa sheegay inay aad ugu faraxsan yihiin inay qalin jabintooda iyaga oo dalka gudihiisa waxkubartay.
Wasiir ku xigeenka Wasaaradda Waxbarashadda ayaa ardayda gudoonsiiyey qaar kamid ah Shahaadooyinka Bach Degree.
Ardayda hadda ka baxday Jaamacadda UCT ayaa dhamaantood ah Dhalinyaro shaqeeya waxaana ay badankood shaqadda heleen intii ay ku gudo jireen barashadda Cilmiga teknoolajiyadda.
