Guddoomiyaha gobolka Banaadir ahna duqa magaalada Muqdisho ayaa maanta kulan kula qaatay xafiiskiisa xubno ka socdey wasaaradda caafimaadka xukumadda federaalka Soomaaliya oo ay hogaamineysey wasiirka caafimaadka.
Ujeedka kulanka ayaa ahaa sidii loo daa-dejin lahaa adeegyada caafimaadka iyo daryeelka bulshada oo ay bixiso wasaaradda caafimaadka.
Kulanka kadib ayaa waxay maamulka gobolka Banaadir iyo wasaaradda caafimaadku gudi 2 geesood ah u saareen ka shaqeynta sidii gobolka Banaadir loogu soo wareejin lahaa maamulida xarumaha caafimaadka ee ku yaala gobolka Banaadir.
Guddiyadaas ayaa waxaa laga doonayaa iney warbixin soo gudbiyaan dhamaadka bishaan si ay aakhirka u saxiixaan guddoomiyaha gobolka Banaadir iyo wasiirka caafimaadka.
