Wasiirka Caafimaadka iyo Daryeelka Bulshadda Drs Fawziya Abikar Nur, Agaasimaha Machadka Caafimadka Qaran ee Soomaaliya iyo wafdi ka koobnaa safiirka Sweden u fadhiya Soomaaliya iyo Hay’adda Caafimaadka Guud ee Dalka Sweden ayaa maanta booqasho sharafeed ugu tagay Raisul Wasaaraha Soomaaliya Mudane Maxamed Xuseen Rooble.
Wasiirka Caafimaadka ayaa Ra’isul Wasaaraha warbixin ka siisyay wadashaqeynta labada hay’adood iyo qorshahooda ku aadan dib u dhisidda hanaan adag oo lagu xoojinaya qaabka lasocashada cudurada faafa iyo sida looga hortagi karo xaaladaha degdega ah.
Wafdiga ayaa sidoo kale booqday Isbitaalka DeMartino, iyo Xarunta dhaxe ee Wasaaradda Caafimaadka iyagoo ugu danbeytii booqday goobta loo asteeyay in loo dhagax dhigo Machadka Caafimadka Qaran ee Soomaaliya.
Khubarada ka socotay Hay’adda Caafimaadka Guud ee Dalka Sweden ayaa shirar kala duwan la qaatay qeyba ka mid ah xafiisyada Wasaaradda Caafimaadka, iyadoo ay goobjoog ka ahaayeen madax ka socotay Wasaaraddaha Caafimaadka ee Dowlad Goboleedyada.
