Tababarka maanta lagu soo geba gabeeyay magaalada Jowhar ee caasimadda Hirshabeelle,ayaa muddo lix maalmood ah uga socday saraakiil ka tirsan qaybaha kala duwan ee ciidamada qalabka sida,oo tiradoodu gaareyso 20 xubnood.
Tabarkaani ayaa waxaa iska kaashaday Wasaarada arimaha gudaha iyo dowladaha Hoose ee dowlad gobaleedka Hirshabeelle,iyo Talisyada booliska heer Federal iyo heer Dowlad Goboleed.
Ujeedka tababarka ayaa ahaa in aqoontooda ku saabsan dhanka amniga kor loogu qaado maadaama Hirshabeelle lagu qabanayo doorada Golaha Shacabka.
Ugu horeeyn waxaa goobta ka hadlay Taliyaha ciidanka Booliska Hirshabeele Gaashaanle Sare Xasan Dhicisow Xasan,iyo Sareeyo Guuto,Axmed Cali Aybakar,oo,ah xogeynta doorashooyinka amniga Qaranka, kuwaasi oo sheegay in saraakiisha la baray hannaanka sugidda amniga goobaha doorashooyinka, loogana baahanyahay inay gutaan waajibaadka loo igmaday.
Wasiirka arrimaha Gudaha ee dowlad gobaleedka Hirshabeele Maxamed Cali Caadle ayaa raja wanaagsan ka muujiyay waxyaabihi ay barteen saraakiisha in ay bulshada ugu shaqeeyaan xilliga doorashada.
Guddoomiyaha Baarlamaanka Hirshabeele Dr Cabdixakiin Luqmaan Xaaji Maxamed oo soo xiray tabarka ayaa kula dar daarmay saraakiisha nasiibka u yeelatay in tababarka loo soo xiro ay waxyaabaha la baray ugu adeegaan bulshadooda, ayna ka hortagaan waxkasta oo keeni kara Nabadgelyo darro.
Ugu danbeeyn waxaa shahaado sharaf la guddoonsiiyay ka qaybgalayaashii aqoon kororsigii ku saabsanaa hawlaha amniga doorashooyinka ka faa’iideystay.
