Wasiirka Shaqada iyo Arrimaha Bulshada Xukuumadda Federaalka Soomaaliya Mudane Cabdiwahaab Ugaas Xuseen Ugaas Khaliif ayaa maanta gaaray Dalka Jabuuti, halkaa oo uu ku soo dhaweeyay dhiggiisa Jabuuti , Mudane Ismaan Ibraahim Rooble.
Wasiirka oo socdaal saddex cisho ah ku joogaya Jabuuti, ayaa waxa uu ka qeybgalayaa shirka heer Wasiir ee waddamada urur-gobolleedka IGAD, kaa oo looga hadlayo Shaqada, Shaqo abuurka iyo sidii waddamada IGAD ay si xor ah uga shaqeyn karaan muwaadiniinta shaqo doonka, iyadoo la dhowrayo xaquuqaha aasaasiga ah.
Mudane Cabdiwahaab Ugaas, ayaa shirka ka jeedin doona khudbad , uu diiradda ku saarayo iskaashiga Shaqo iyo shaqo abuur ee waddamada IGAD.
