Wasaaradda caafimaad ayaa sheegtay in si deg deg ah ay wax uqa banayso arrimaha la xariira dawooyinka aan tayada lahayn ee lagu iibiyo qaar ka mid ah xarumaha caafimaadka ee ku yaala magaalada Muqdisho
Wasiirka Wasaaradda caafimaadka Drs Xaawo Maxamed Xasan ayaa tilmaamtay in aan la aqbali doon in bulshada Soomaaliyeed laga iibiyo dawooyin aan la hubin tayadooda oo aan soo marin Wasaaradda caafimaadka, ayna tallaabo cad ka qaadi doonaan ciddii lagu hela iyada oo dawo tayadeedu hooseyso bulshada ka iibineysa.
“Ma soconeyso in dawo dhacday ama tayadeedu hooseyso in dalka lagu iibiyo, waxaan ku tala jirnaa in sharciga caafimaadka aan horgeyno golaha Wasiirada, kadibna aan u gudbino baarlamaanka, ayaan sharci u adeegsan doonaa dadka doonayo inay dalka soo geliyaan dawooyin dhacay” ayay tiri Wasiirka Wasaaradda Caafimaadka.
Wasaaradda Caafimaadka ee Soomaaliya ayaa dadaal ugu jirta sidii loo heli lahaa adeegyo caafimaad oo dhameystiran, isla markaana laga hortago dadka ka ganacsanaya dawooyinka dhacay ama kuwa tayadoodu hooseyso.
