Wasiirka Wasaaradda Caafimaadka iyo Daryeelka Bulshada Dr. Fawziya Abiikar Nuur ayaa maanta xilka u kala wareejisay saddex Agaasime Waaxeed oo loo magaacabay Agaasimyaal cusub, kuwaas oo muddadii lasoo dhaafay si kumeel gaar ah u sii ahaa Ku-simayaal Agaasime.
Wasiirka Wasaaradda Caafimaadka Dr. Fawziya Abiikar Nuur ayaa buuxisay boosas ka banaanaa Wasaaradda, kuwas oo kala ah Agaasimaha Waaxda Caafimaadka Guud, Agaasimaha Waaxda Siyaasadda iyo Qorsheynta iyo Agaasimaha Waaxda Howlwadeenmada Caafimaadka (HRH).
Agaasimayaasha xilka wareejinayay maanta ayaa si iskood ah xilka u baneenyay iyagoo maanta xilka ku wareejiyay Agaasimayaasha cusub ee la magaacabay:
Mudane Cali Cabdiraxman Cusman:
Agaasimaha Waaxda Caafimaadka Guud
Mudane Cabdifataax Axmed Maxamed
Agaasimaha Waaxda Siyaasadda iyo Qorsheynta
Dr Maxamed Xuseen Calasow:
Agaasimaha Waaxda Howlwadeennada Caafimaadka (HRH).
Wasiirka Wasaaradda Caafimaadka Dr. Fawziya Abiikar Nuur ayaa ugu dambeyntii u mahadcelisay Agaasimayaashii hore iyadoo kuwa cusubna ku boorisay inay xilkooda u gutaan si waafaqsan sharciga iyo nidaamka Wasaaradda u degsan.
