Wasiirka Wasaaradda Caafimaadka Xukuumadda Federaalka Soomaaliya, Agaasimaha Guud, la taliyeyaal iyo Madaxkale ayaa hanaanka fogaan aragga kaga qaybgalay maalintii 3aad kalfadhiga 68aad ee (RC68 Regional Committee for the Eastern Mediterranean countries.
Qeyb ka mida Kal-fadhiga waxaa shir guddoominayay lataliyaha Wasiirka Caafimaadka Prof. Maxamed Jaamac, taasoo diiradda lagu saaray Caafimaadka Adduunka iyo sida uu nabadda iyo xasiloonda uga qeyb qaadan karo.
Dr. Fowsiyo Abiika Nur ayaa Madasha ka jeedisay kalmada Soomaaliya ee Shirka, taasoo aad u taabanaysay ka qeyb qaadashada Caafimaadka ee dhisidda nabadda, horumarinta bulshada iyo dhaqaalaha sida Caafimaadka loogu adeegsan karo inuu noqdo “buundada nabadda iyo Xasiloonida.
Sidoo kale Wasiir Fowsiya ayaa ka hadashay baahida Soomaaliya ay u qabto maalgelinta iyo dib u dhiska nidaamka caafimaad oo adkeysi u leh bixinta adeegyada Caafimaadka Assaasiga ah xiliyada xaaladaha deg-dega ah lagu jiro ee ay kacsanyihiin dhibaatooyinka iyo xasaradah.
