Wasiirka Wasaaradda Caafimaadka iyo Daryeelka Bulshada Dr. Cali Xaaji Aadam oo ay wehlinayaan agaasimaha waaxda hawlwadeenada Caafimaadka iyo lataliyaal sare ayaa la kulmay qayb ka mid ah Hey’adaha gaarka loo leeyahay ee taaba galiya adeegyada Caafimaadka, sida Jaamacadaha soo saara qaybaha kala gadisan ee shaqaalaha Caafimaadka, Isbitaalada iyo Bangiyada qaar, kuwaas oo maal galiya Caafimaadka.
Ujeedka shirka ayaa ahaa bilawga ka talagalinta Hey’adaha gaarka loo leeyahay inay ka qayb qaataan shirwaynaha qaran ee shaqaalaha Caafimaadka oo ay wasaaraddu dhawaan ku qaban donto Magaalada Muqdisho inta u dhaxeesa 15ka-16ka May ee 2023.
Shirka ayaa ku soo dhamaaday is fahan iyo in la xoojiyo wada shaqeynta Wasaaradda iyo Hey’adaha gaarka loo leeyahay.
