Wasiirka Wasaaradda Caafimaadka Dawlad Gobaleedka Puntland Dr Jamac Farax Xasan oo ay weheliyeen qaar kamid ah Agaasimayaasha waaxyaha ayaa maanta hor tagay guddiga joogtada ah ee Barlamaanka Puntland.
Guddoomiyaha Golaha Wakiillada Dowlad Puntland Mudane Cabdirashiid Yuusuf Jibril oo uu wehliyo Guddoomiye ku xigeenka 2aad ee Golaha Wakiillada Mudane Ismaaciil Maxamed Warsame ayaa shir-guddoomiyey fadhiga 2-aad ee Guddiga Joogtada ah.
Wasiirka ayaa ugu horreyn waxa uu Guddiga uga warbixiyey xaaladda guud ee Caabuqa COVID-19 ee Puntland, sida Wasaaradda ula tacaashay, dadaalada socda iyo caqabadaha jira, waxaa uu xusay inay wadaan wacyigelinta bulshada si kor loogu qaado bed qabka Caafimaadka shacabka Puntland.
Ololaha tallaalka oo markii saddexaad ka socda ilaa 63 goobood oo ku kala yaala dhammaan deegaanada Puntland.
Guddiga joogtada ayaa su’aalo ka weydiiyey Caqabadaha, wax-yaabaha u qabsoomay Wasaaradda iyo weliba baahiya deg-dega ah ee jira, iyadoo Guddigu soo jeediyey in la sii wado wacyigelinta COVID-19 islamarkaana bulshada loo sheego muhiimadda uu leeyahay qaadashada tallaalka COVD-19. 
