Wasiirka Wasaaradda Caafimaadka iyo daryeelka bulshada xukuumadda Federaalka Soomaaliya Dr Cali Xaaji Aadan ayaa ka qeybgalay Shir duceed ku saabsanaa in si wadajir ah loogu shaqeeyo xoojinta sugnaanta cuntadda iyo nabadda ee wadamadda ku bahoobay Urur Goboleedka IGAD.
Shir duceedkan waxaa soo agaasimay Urur Goboleedka IGAD waxaana kaasoo qeybgaley Wasiirada Caafimadka iyo Qorsheynta Wadamadda, Djibout, Ethiopia iyo Koofurta Sudan, kuwaas oo ka mid ah kulan weynaha isbadalka cimilada (COP28) ee ka socdal magalaadda Dubai ee dalka Isutagga Imaaraadka Carabta.
Wasiirka Wasaaradda Caafimaadka iyo daryeelka bulshada Xukuumadda Federaalka Soomaaliya ayaa madasha ka jeediyey khudbad taabaneysay dhinacyo badan, sida abuurista hab wada shaqeyn, iskaaashi dhanka Gobolka ah oo ku aadan arrimaha isbadalka cimilada iyo saameynta ay ku yeelato hanaanka Caafimaadla Gobolka.
Wasiirka Caafimaadka ayaa khudbaddiisa kusoo gunaanadey sida ay Soomaaliya hada u wajahaysa isbadalka cimiladda oo bilowga horeba ay ka soo baxday abaaro, hadane ay bilaabatay Fataahadda ( El NiNo), Sidoo kale Wasiirka ayaa carab ka ku adkeeyey guulaha ay Soomaaliya ka gaartay ka jawaabista abaartii dhawayd ee ku dhufatey Soomaaliya iyo sida ay u saameysay dowladaha dariska ah ee ku jira IGAD.
