Wasiirka Wasaaradda Caafimaadka iyo daryeelka bulshada Xukuumadda Federaalka Soomaaliya Dr Cali Xaaji Aadan oo magaalada Muqdisho kulan isxogwareysi ah kula qaatey Guddiga horumarinta adeegga bulshada ee Baarlamaanka Jamhuuriyadda Federaalka Soomaaliya ayaa guddiga uga warbixiyey shaqooyinka ka socda Wasaaradda, guulihii waawaynaa ee laga gaaray horumarinta Caafimaadka dalkeenna, qorshaha sanadkan ee Caafimaadka Soomaaliya iyo dedaalada kale ee ay wado Wasaaradda Caafimaadka XFS.
Xildhibaannadu waxay si gaar ah Wasiirka Caafimaadka iyo daryeelka bulshada uga mahadnaqeen sida hufan ee uu uga warbixiyay shaqada uu u hayo bulsho waynta Soomaaliyeed iyagoo sidoo kale ku amaanay dedaalada aan kala joogsiga laheyn ee uu ugu jiro hagaajinta iyo horumarinta guud ee Caafimaadka Soomaaliya.
Related posts
Kulanka oo ahaa mid sare loogu qaadayey wada shaqeynta Guddiga iyo Wasaaradda Caafimaadka ayuu Wasiirka Caafimaadka iyo daryeelka bulshada Xukuumadda Federaalka Soomaaliya ugu dambeyn ugu mahadceliyey in ay soo ajiibeen martiqaadka uu u fidiyey, waxa uuna sidoo kale bogaadiyey doorkii firfircoonaa ee ay ka qaateen meel marinta wax kabadalka habraaca dib u eegista Dastuurka.
