Related posts
Wasiirka Wasaaradda Caafimaadka iyo Daryeelka Bulshada Xukuumadda Federaalka Soomaaliya Dr Cali Xaaji Aadan ayaa maanta Xafiiska ku qaabiley Safiirka Dowladda Sweden ee Soomaaliya.
Kulanka Wasiirka waxaa ku wehliyey Wasiiru Dowlaha Wasaaradda Caafimaadka Dr Maryama Maxamed Xuseen Duuliye, Agaasimaha Guud ee Wasaaradda Dr Cabdinaasir Mukhtaar Ibraahim, la taliyayaal Sare iyo howl wadeenada Wasaaradda.
Safiirka Sweden Amb Per Lindgรคrde ayaa salaan iyo isbarasho ka dib siiyey Wasiirka warbixin ku saabsan taageerada Dowladda Sweden siiso Soomaaliya iyo Mashaariicda ku aadan horumarinta Caafimaadka iyo Daryeelka Bulshada ee ay gacanta ka geystaan.
Wasiirka Wasaaradda Caafimaadka iyo Daryeelka Bulshada Xukuumadda Federaalka Soomaaliya Dr Cali Xaaji Aadan ayaa bogaadiyey dowrka wanaagsanย ee Dowladda Sweden ay markasto la garab taagan tahay Soomaaliya iyo sida ay uga qeyb qaadanayaan in la horumariyo Caafimaadka Dalkeena.
Dowladda Sweden ayaa ka mida ah Dowladaha taageera Soomaaliya gaar ahaan ka qeyb qaata barnaamijyadda lagu horumarinayo Caafimaadka oo isugu jirta horumarinta tayeynta Caafimaadka Hooyada iyo Dhallaanka iyo tayeynta Shaqaalada Caafimaadka ee ka howlgala xarumaha Caafimaadka ee ay maamusho Wasaaradda Caafimaadka iyo Daryeelka Bulshada ee Xukuumadda Federaalka Soomaaliya.
