Wasiirka Wasaaradda Cadaaladda Xukuumadda Federaalka Soomaaliya Mudane Xasan Xuseen Xaaji ayaa ka warbixiyay shir caalami ah oo uu kaga qeyb galay magaalada Rome ee xarunta dalka Talyaaniga.
Shirka oo ay ka soo qeyb galeen Wasiirada Cadaaladda iyo Garsoorka dalalka caalamka ayaa waxaa diiradda lagu saaray Arrimaha Cadaaladda iyo Garsoorka, gaar ahaan ka hortagga faldanbiyeedka ka abuurma naceybka, kaas oo keeni karo xasuuq iyo dil wadareedka ah.
Wasiirka Wasaaradda Caddaaladda Soomaaliya Mudane Xasan Xuseen Xaaji ayaa shirka ka jeediyay khudbad taabaneysa horumarka Soomaaliya iyo dib u soo kabashada sida dhinacyada Amniga, Cadaaladda, Garsoorka, arrimaha bulshada iyo dhaqaalaha.
Wasiirku waxa uu u sheegay Wasiirada dhiggiisa ee Cadaaladda ee ka soo qeyb galay shirka iney xoogga saari doonaan ilaalinta xuquuqda adaanaha iyo ka hortaga fal dambiyeedyada culus.
Ugu dambeyntii, Wasiirka Cadaaladda iyo Garsoorka Xukuumadda Soomaaliya ayaa ku booriyay dalalka qeybta ka ahaa shirka iney shuruucdooda maxaliga ah oo ku dhisan dastuurka iyo heshiisyada caalamiga ah ay ogolaadaan in lagu dhaqmo si loo helo cadaalad waarto.
