Wasiirka cusub ee Wasaaradda Macdanta iyo Batroolka Xukuumadda Federaalka Soomaaliya, Mudane Cabdirisaaq Cumar Maxamed, ayaa xilka kala wareegay Wasiirkii hore ee Wasaaradda, Mudane Cabdirashiid Maxamed Axmed.
Munaasabad kooban oo lagu qabtay xarunta Wasaaradda uuna goob-joog ka ahaa Ra’iisul Wasaare Ku xigeenka dalka Mudane Saalax Jaamac ayaa waxaa ka hadlay mas’uuliyiin kala duwan.
Ra’iisul Wasaare Ku xigeenka dalka Mudane Saalax Jaamac ayaa uga mahadceliyay Wasiirkii hore ee Wasaaradda mudane Cabdirashiid waxyaabaha u qabsoomay, isagoo kula dar daarmay Wasiirka cusub ee Wasaaradda Macdanta iyo Batroolka Xukuumadda Federaalka Soomaaliya, Mudane Cabdirisaaq Cumar Maxamed in uu dardargeliyo waajibaadka Qaran ee loo igmaday.
