Shirka sanadlaha ah ee uu qabto machadka Doorashooyinka iyo Dimuqraadiyada waarta ee Afrika oo ahaa kan 14 aad ayaa waxaa uu ka furmay magaalada Johannesburg ee dalka Koofur Africa ayada oo sanadkaan looga hadlayo sharafta iyo sumacadda Doorashooyinka Africa.
Soomaaliya ayaa shirkaan waxaa uga qeybgalaya wafdi uu hogaaminayo Wasiirka Dastuurka Xukuumadda Federaalka Soomaaliya oo ka kooban Xillibaano, Masuuliyiin ka tirsan Wasaaradda Dastuurka iyo sido kale masuuliyiin ka socota Xafiiska Raβiisil Wasaaraha dalka.
Sanatar Xuseen Sheekh Maxamuud Xoghayaha guddiga dib u eegista iyo dhameystirka Dastuurka ee labadda Aqal oo shirka ka qeybgalaya ayaa Warbaahinta Qaranka u sheegay in la is waydaarsaday arimo la xariira Doorashooyinka Afrika isla markaana lagu soo bandhigay Warbixino laga soo aruuriyay Doorashooyin ka dhacay dalal ka tirsan Afrika.
Wafdiga uu hogaaminayo Wasiirka Dastuurka Saalax Axmed Jaamac ayaa waxaa sido kale kulamo kale ay la qaateen qubaro u Dhashay Koofur Afrika oo ay kala hadleen arrimaha Doorashooyinka, dib u heshiisiinta hirgalinta nidaamka Dastuurka iyo qodobo kale.
