Wasiirka Wasaaradda dhalinyarada iyo Cayaaraha Xukuumadda Federaalka Soomaaliya Mudane Xil Maxamed Barre Maxamuud, ayaa xafiiskiisa ku qaabilay Golaha ay leeyihiin Gabdhaha dhalinyarada ah ee Xirfadlayaasha Caafimaadka.
Wasiirka iyo guddiga gabdhaha xirfadlayaasha Caafimaadka, ayaa ka sheekaystay sidii loo hormarin lahaa guddiga ay leeyihiin gabdhaha dhalinyarada ah.Waxaa sidoo kale lagu soo qaaday Shirweynaha 3-aad ee Caafimaadka haweenka Soomaaliyeed iyo kaalinta muuqata ee gabdhaha xirfadlayaasha da’da yar.
Wasiirka ayaa kul dardaarmay ” Waa inaad hormarisaan Xirfada Caafimaadka ee aad maanta u tagan tihiin,Adduunka maanta wuu hormaray,Waxaa wax lagu yahay xirfadda sidaa darradeed hormar intaan ka balaaran ayaan idiin rajaynaa” Ayuu yiri Wasiirka Dhalinyarada iyo Ciyaaraha Mudane Maxamed Barre Maxamuud.
Kulanka, ayaa qeyb ka ahaa kulamo joogta ah oo Wasiirku la yeesho dhalinyarada Soomaaliyeed ee qeybaha kala duwan kaga jira adeegga bulshada.
