Maxamed C/laahi Xassan Nuur oo ah wasiirka dhalinyarada iyo cayaaraha Soomaaliya ayaa maanta hambalyo u diray dhalinyarada Soomaaliyeed taasoo ku aadan maalinta dhalinyarada Soomaaliyeed 15ka May oo maalinta beri ah ku beegan.
Wasiirka ayaa sheegay in maalinta berito ah ay tahay maalin ku weyn ummadda Soomaaliyeed maadaama ay tahay maalinta dhalinta Soomaaliyeed oo lagu xusuusto taariikhdii 13 kii dhalinyaro ee SYL taariikhdii ay dalkeena ka sameeyeen intii lagu gudo jiray gobonimo doonka ummadda Soomaaliyeed.
Related posts
Waxa uu wasiirku sheegay in munaasabado waaweyn oo loogu dabaal degayo maalintaasi lagu qaban doono dalka oo dhan si loo muujiyo taariikhda maalinkan oo ku weyn guud ahaan dadka Soomaaliyeed.
โDhalinta Soomaaliyeed waxaa looga baahanyahay inay ka shaqeeyaan sidii ay awoodooda u muujin lahaayeen iyagoo u adeegsanaya wax ka qabashada ummada Soomaaliyeed iyo sidii loogu gurman lahaa inay ugu adeegaan dhanka wanaagsan si looga saaro dhibaatada muddada heysay ayuu yiri wasiirka dhalinyarada iyo cayaaraha Soomaaliyaโ
