Dood cilmiyaadkaan oo su’alo lagu weydinayay Wasiirka Dhallinyada iyo Cayaaraha ee Xukuumada Soomaaliya Mudane Maxamed Cabduaahi Xasan Nuux ayaa ujeedkiisu ahaa doorka dhallinyarada ay ka qadan karaan siyasadda dalka.
Dood cilmiyeedka oo ay ka qeyb galeen dhallinyaro Soomaaliyeed oo wax ka barta Jamacada Plasma ee magaalada Muqdisho ayaa intii uu socday waxa ey Wasiirka weydiyeen su’aalo laxariira arrimaha dhallinyarada, iyadoo Wasiirku uu sharaxaad ka bixiyay doorka Wasaaradda uga aadan in dhalinyarada ay ka qeyb qaataan horumarka dalka
Abdulaahi Xiireey oo ka tirsan Wasaaradda dhalinyarada soona qaban qabiyay kulanka ayaa tilmaamay in dhallinyarada ay intooda badan wax ka bartaan Jaamacadaha, waxaana uu intaa ku daray in ujeedka dood cilmiyeedka uu yahay sidii dhallinyarada taladooda loo heli lahaa, gaar ahaan kuwooda wax bartay iyo wax baranayo.
Wasiirka dhallinyarada iyo Cayaaraha ee Xukuumadda Federaalka ah ee Soomaaliya Mudane Maxamed Cabduaahi Xasan Nuux ayaa tilmaamay in Wasaaraddu ay dhiiri gelineyso doorka siyaasadda dalka ay ku leeyihin dhallinyarda.
“Siyaasadda dhallinayarada waxa ay tahay in aan idinka idin weydiino, waayo baahida idinka ayaa og, dhallinyarada ayaa laga yabaa inay sheegaan sida loo wajahayo, anaguna aan la nimaadno dhanka doorka nooga aadan oo ah sida aan ku hirgelin lahayn, siyaasadda dhallinyarada oo aan diyaarinay iyo fikirka aad ku dareen” ayuu yiri Wasiirka.
Sawir Qaade:- Maxamed Cabdullaahi Maxamed “Feereysane”
