Wasiirka Gaashaandhigga ee Xukuumadda Federaalka ah ee Soomaaliya Mudane Cabdiqaadir Sheekh Cali Diini iyo xubno la socday oo socdaal shaqo ku joogay degmada Caabudwaaq ayaa maanta dib ugu soo laabtay magaalada Muqdisho, isagooo xusay in socdaalkiisa ay guul ku soo dhamaatay.
Wasiirka Difaaca Soomaaliya oo ka hor inta uusan ka soo amba bixin magaalada Caabudwaaq la hadlay Warbaahinta Qaranka ayaa sheegay in mudadii labada cisho ahayd ee uu booqashada ku joogay Caabudwaaq uu kulamo la qaatay qeybaha kala duwan ee bulshada, kuwaasi oo uu kala hadlay ka shaqeynta amniga iyo horumarka gobolka.
Related posts
โDadku waxa ay isku raacsanyihiin ilaalinta iyo ka shaqeynta Nabad gelyada, horumarinta gobolka, ilaalinta wada jirka bulshada, taageerada ay u hayaan dowladda Federaalka ah ee Soomaaliya iyo dowlad goboleedka Galmudug, waa arrin lagu farxado in bulshada ku dhaqan Caabudwaaq iyo guud ahaan Gobolka ay yihiin kuwa diyaar ah ka shaqeynta Nabadgelyadaโ ayuu yiri Wasiirka.
Wasiirka Wasaaradda Difaaca ee Xukuumadda Soomaaliya ayaa mar uu ka hadlayay khilaafaadyadii ka jiray degmada Caabudwaaq ee dhaliyay dagaalkii ka dhacay degmada 24.kii bishan uu ku guuleystay in uu xaliyo, isla markaaka la kala qaado maleeshiyo beeleedyadii halkaasi ku diriray,
Cabdikariin Axmed Bulxan.
