Wasiirka Gaashaandhigga ee Xukuumadda Federaalka Soomaaliya Mudane Cabdiqaadir Sheekh Cali Diini oo weli ku sugan magaalada Kismaayo ee xarunta gobolka Jubbada hoose ayaa kulamo la qaadanaya mas’uuliyiinta iyo Saraakiisha ciidanka, si loo dhiso ciidan Qaran.
Wasiirka difaaca Soomaaliya ayaa u jeedka socdaalka uu ku joogo magaalada Kismaayo waxa uu yahay sidii loo dhisi lahaa ciidan Qaran, isla markaana Mamaulka Jubbaland ay ka qeyb qaataan kaalinta uga aadan dhismaha ciidanka Qaran ee la dhisayo.
Mudane Cabdiqaadir Sheekh Cali Diini ayaa sidoo kale maanta lagu wadaa in uu kormeer howleed ku tego xarumaha ciidanka ee ku yaalla duleedka magaalada Kismaayo, halkaasi oo uu kulamo kula qaadanayo saraakiisha ciidanka ee halkaasi ku sugnaa.
