Si loo xoojiyo niyada kooxda Gaadiidka loo xoojiyo ayaa wasiirka Gaadiidka iyo Duulista Hawada ee Soomaaliya oo ay wehlyaan agaasimaha guud iyo gudiga gaadiidka ee golaha shacabka waxa kulan qada sharaf ay la qaateen ciyaartoyda iyo maamulka kooxda
Agaasimaha guud ee Wasaaradda Gaadiidka iyo Duuliista hawada ee Soomaaliya Cali Gacal Gaaboow waxa uu sheegay in wasaaradu ay kooxda soo waday 5 sano ee la soo dhaafay iyada oo ay jireen daruufo dhaqaale.
Related posts
Wasiirka Gaadiidka iyo duulista Hawada ee Xukuumadda federaalka Soomaaliya Maxamed Cabdulaahi Salaad Oomaar waxa uu tilmaamay inuu ku faraxsan yahay la kulanka maamulka iyo cayaaryahanada kooxda Gaadiidka.
“Waxaa Sharaf noo ah in aan kulan qado sharaf ah la qaadano Maamulka iyo ciyaaryahanada Kooxda Gaadiidka oo ah koox taariikhi waana ku faraxsanahay”
Wasiir Oomaar ayaa balan qaaday in wasaaradiisa ay garab istaagi doonto kooxda kubada cagta ee gaadiidka .
“Waa Koox dhalinyaro ah iyaga iyo maamulkooda wax badan ayay qabteen, ka wasaarad ahaan waxaan diyaar u nahay in aan wixii aan gaysan karno way geysanay hada iyo wixii ka dambeeyana waxaan rabnaa inaan gacan ku dhigno kooxda wax alle wixii ay istaahilaan aan siino dhinac dhaqaale iyo dhinac taageeraba waan ka garab istaagaynaa” ayuu yiri wasiir Oomaar
1943 dii ayaa la aas aasay kooxda Gaadiidka oo hoostagta wasaaradda Gaadiidka iyo duulist hawada ee Soomaaliya waana kooxdii ugu horeysay ee kubadda cagta ah oo laga aas aasay Soomaaliya, ย haatana waxay ka mid tahay kooxaha heerka koowaad ee horyaalka Soomaaliya
