Wasiirka Wasaaradda Gaadiidka iyo duulista hawada Mudane Duraan Axmed Faarax Xukuumadda Federaalka Soomaaliya oo Safar shaqo ku jooga Magaalaada Baledwayne ayaa la kulmay Maamulka Gobolka Hiiraan iyo kan degmada Baledwayne.
Wasiirka ayaa Maamulka Gobolka iyo kan degmada ka dhagaystay baahiyaha Gobolka.Guddoomiyaha Gobolka Hiiraan Mudane Cali Jayte ayaa codsaday in dib-u-dhis lagu sameeyo Garoonka Buulo Burdo oo dhawaan kooxda Argagixisada ah ee Al-Shabaab ay Qarax ku burburiyeen.
Wuxuu sheegay guddoomiyaha in Garoonka Buulo Burde uu muhiim u ahaa shacabka Degmada iyo guud ahaanba Gobolka.Guddoomiyaha Degmada Baledwayne Nadar Tabaax Cismaan ayaa Wasaaradda Gaadiidka uga mahadcelisay shaqada baaxada leh ay ka qabteen Garoonka Diyaaradaha Baledwayne Ugaas khaliif.Dhanka kale Wasiir duraan iyo wafdigiisa ayaa booqday Buundada liiq-liiqato oo dayactir lagu sameeyay.
Ugu dambayn Wasiirka iyo Saraakiishii Safarka ku weheliyay ayaa gurigiisa ku booqday Ugaas Yuusuf Ugaas Ugaas Xasan Ugaas Khaliif,isagoona Ugaaska ka dhagaystay warbixin la xariirta horumarka Gobolka Hiiraan.
