Wasiirka Gaadiidka iyo Duulista Hawadda Xukuumadda Soomaaliya Marwo Fardowso Cismaan Cigaal oo ay weheliyaan Wasiiru dowlaha Wasaarada Mudane.Maxmaed Cumar Cali Wasiir kuxigeenka Wasaaradda Mudane Sulub Axmed Firin, waxaa shirka kasoo qeybgalay Agaasimaha Guud ee Wasaaradda Agaasimayaasha waaxyaha iyo la Taliyayaasha Wasaaradada qeybaheeda kala duwan.
Kulanka oo Sacaado socday, ayaa ugu horayn lagu soo bandhigay Warbixinta guud ee Wasaarada,waxa u qabsoomay iyo Mustaqbalka qorshayaasha Wasaraadda lagu horumarinaayo.Agaasimaha Guud oo warbixin jeediyay, ayaa si faahfaahsan uga waramay shaqooyinka Wasaaradda,Wuxuuna soo dhaweeyay Hoggaanka Cusub ee Wasaaradda, isagoona sheegay in si hufan ay ula shaqaynayaan Mas’uuliyiinta cusub.
Agaasimayaasha waaxyaha Wasaaradada Gaadiidka iyo Duulista Hawada, ayaa dhankooda soo bandhigay shaqooyinka u qabsoomay. waxayna sheegeen in qorshahooda ay ku saleeyeen baahiyaha hortabinta u leh.
Xubno ka mid ah La taliyayaasha shirka ka qaybgalayay ayaa Hoggaanka Wasaarada usoo bandhigay dhinacooda talooyin ku aadan sida lagu horumarin karo shaqada Wasaarada ka socota, waxayna soo dhaweeyeen Masuuliyiinta cusub ee Wasaarada la wareegay.
Wasiiru dawlaha Wasaaradda Mudane.Maxamed Cumar Caananuug iyo Wasiir ku-xigeenka Wasaaradda Mudane Sulub Axmed, ayaa ka mahadceliyay Warbixinta lasiiyay ee ku aadan Shaqooyinka ka socda Wasaarada Gaadiidka iyo Duulista Hawadda.
Ugu dambayn Wasiirka Gaadiidka iyo Duulista Hawadda Marwo Fardowso Cismaan ayaa shirka soo xirtay waxayna sheegay in la dardar galiyo shaqooyinka Wasaarada, iyadoona intaas ku dartay in wixii saxid u baahan la saxayo, sidoo kalena la xoojinayo wixii saxan.
