Wasiirka Gaashaandhiga Xukuumadda Soomaaliya Gen C/qaadir Sheekh Cali Diini oo qeyb ka ah mas’uuliyiinta ka qeyb galeysa xafladda Caleema saarka madaxweynaha Dowlad goboleedka Galmudug ayaa hadal uu ka jeediyay xaflada caleema saarka ayaa ugu baaqay dadka ku dhaqan Mudug iyo Galgaduud in ay la shaqeeyaan maamulkani cusub oo uu tilmaamay in uu ka shaqeyn doono horumarinta deegaanada ku abtirsada Galmudug.
Wasiirka gaashaandhiga oo sii hadlay ayaa ugu baaqay maamulka Cusub in uu xaliyo tabashooyinka ay qabaan dadka qaar, wuxuuna ka sheekeeyay dadaalada Soomaaliya ay u soo gashay dhisida Dowlad goboleedka Galmudug oo uu sheegay in tanasulo badan ay sameysay oo qeyb ka ahaa socdaalo uu ku tagay Galgaduud gaar ahaan Guri-ceel oo Ahlusunna uu kala fariistay arrimahani ilaa Ciidamada Dowlada uu ka saaray halkii ay joogeen oo dagaal uu ka dhacay waxaana taasi ay ku timid in Dowladda ay badbaadiso dadkii ka barakacay Guri-ceel ee banaanka diifta ay ku heysay, waxaana uu ku baaqay in wadajirnimada laga shaqeeyo oo gacmaha la isqabsado.
