Wasiirka Gashaandhiga xukuumada federalka ah ee Soomaaliya mudane C/qaadir Sheekh Cali Diini ayaa sheegay in ay qasab tahay in ay isku tashato Dolwada Soomaaliya si ay u buuxiso goobaha ay dhawaan ka baxeen ciidamada Itoobiya.
Mudane C/qaadir Sheekh Cali Diini oo la hadlayey warbaahinta qaranka ayaa shacabka Soomaaliyeed ugu baaqay in ay isku tashtaan isla markaana ay garab istaagaan Dowlada Soomaaliya waxa uuna xusay in xukuumada Soomaaliya ay isku tashatay isla markaana diyaar ay u tahay in ay buuxiso goobaha ay ciidamada baneeyeen.
Wasiirka ayaa u mahadceliyey Dowlad walbo oo garab istaagtay dowladda Federaalka ah ee Soomaaliya dhanka kale waxa uu wasiirka sheegay in aysan suura gal ahayn in amaanka dalkaaga uu qof kale wakiil kaaga noqdo.
Wasiirka ayaa shacabka ugu baaqay in ay la dagaalaamaan alshabaab asaga oo xusay dhibka ay kala kulmayaan marka ay ku hoos nool yihiin in uu aad uga yaraan doono haddii ay dhinac ugasoo wada jeestaan oo ay iska difaacaan ayaga oo kaashanaayo Dowladooda.
