Wasiirka Gaashaandhigga Xukuumadda Federaalka Soomaaliya Xasan Cali Maxamed ayaa muqdisho ka daahfuray Kulan looga hadlayay qorshaha isku dhafka ciidamada qalabka sida ee Soomaaliya.
Related posts
Kulanka waxaa Goobjoog ahaa Masuuliyiin ka tirsan Dowlada, Taliska Ciidanka Xoogga Dalka Soomaaliya iyo Wakiilo ka socda Urur Gobaleedka IGAD iyo AMISOM, Saraakiil mataleysay Maamul Gobaleedyada Soomaaliya.
Agaasimaha Guud ee Wasaaradda Gaashaandhiga XFS ayaa sheegay in qorshahan ay muddo soo waday Wasaaradda Gaashaandhigga oo kaashaneysa IGAD iyo AMISOM isla markaana hada uu meel wanaagsan marayo.
Wasiiru-Dowlaha Wasaaradda Gaashaandhigga XFS Maxamed Xagaa ahna Guddoomiyaha Guddiga isku dhafka Ciidamada Qalabka sida ayaa xusay in qaar ka mid ah Dowlad Gobaleedyada laga hirgaliyay xerooyinka lagu tababarayo Ciidamadan Maamul Gobaleedyada qaarna ay meel wanaagsan marayaan.
Ugu danbeyntii Wasiirka Wasaaradda Gaashaandhigga XFS Xil.Xasan Cali Maxamed ayaa sheegay in muhiim ay tahay inaan la siyaasadeen difaaca Dalka loona baahanyahay in si deg deg ah ay ugu howlgalaan sidii ay waqti kooban ugu soo gabagabeyn lahaayeen qorshaha isku dhafka ciidanka.
