RADIO MUQDISHO:-Wasiirka Gaashaandhigga Xukuumadda Federaalka Soomaaliya, Mudane Axmed Macallin Fiqi, ayaa daahfuray Siyaasadda Qaran ee Ilaalinta Badqabka Rayidka Xilliyada Hawlgallada Ciidan iyo Colaadaha Hubaysan.
Munaasabadda daahfurka waxaa goob-joog ka ahaa masโuuliyiin ka tirsan Dowladda Federaalka Soomaaliya iyo dowlad-goboleedyada, diblomaasiyiin iyo marti-sharaf kale oo ka kala socday hayโadaha iyo dhinacyada ay khuseyso siyaasaddani.
Related posts
Wasiirka oo khudbad ka jeediyey munaasabadda ayaa sheegay in Dowladda Federaalka Soomaaliya ay mar kale xaqiijinayso in ilaalinta bedqabka rayidku ay tahay waajib qaran iyo mid dastuuri ah. Waxa uu sidoo kale tilmaamay inay lama huraan u tahay dhismaha ciidan qaran oo leh anshax, xirfad iyo masโuuliyad, kuna dhisan dhowrista nolosha, karaamada iyo xuquuqda muwaadiniinta Soomaaliyeed.
Wasiir Fiqi ayaa sheegay in daahfurka siyaasaddan uu yahay tallaabo muhiim ah oo lagu xoojinayo dowladnimada iyo ku-dhaqanka sharciga, laguna xaqiijinayo amni waara oo ay shacabka Soomaaliyeed ku naaloodaan.
Wasiirka ayaa ugu dambeyn adkeeyey sida ay Dowladda Federaalka Soomaaliya uga goโan tahay ilaalinta dadka rayidka ah iyo dhowrista xuquuqdooda inta ay socdaan hawlgallada ciidan iyo colaadaha hubaysan.
