Wasiirka Wasaaradda Gaashaandhigga XFS Mudane: Cabduqaadir Maxamed Nuur “Jaamac” oo Safar Shaqo ku jooga Dalka Kenya ayaa ka qeyb galay xafladda xeritaanka tababar ay ka qeyb-galayeen 10 Wasaaradood oo ka kala socday Toban Wadan oo ku mideysan ururka EASF( Eastern Africa Standby force).
Wasaaradda Gaashaandhigga Soomaaliya ayaa xubin firfircoon ka ah iyadoo mataleyso Jamhuuriyadda Soomaaliyad.
Wasiirka Gaashaandhigga XFS oo uu Wehliyo Danjiraha DFS ee Kenya Amb.Maxamed Nuur Tarsan ayaa kormeeray goobaha ay ka socdeen tababarada kala duwan , oo qaar ka mid ah Wadamada ka tirsan ( EASF) ugu Socda Magaalada Nairobi ee Caasimadda Dalka Kenya , Waxaana ka mid ah Xubnaha tababarada ka qeyb-galaya Saraakiil ka tirsan CXDS , Saraakiil ka tirsan Booliiska Soomaaliyeed iyo Howlwadeenno ka socda Wasaaradda Gaashaandhigga XFS.
Wasiirka Wasaaradda Difaaca Soomaaliya ayaa ku dhiira-galiyay xubnaha tababarkan ugu qeyb-galaya DFS in wixii ay barteen qarankooda ay ugu faa’iideeyaan isagoo Xusay in Soomaaliya kaalin weyn ay ku leheed Dhismaha EASF.
